ஆவணக்காப்பக மரபுரிமையின் முக்கியமான பகுதி, 2004 டிசம்பர் 26 ஆம் திகதியன்று   பேரழி​வை ஏற்படுத்திய இந்து சமுத்திர சுனாமியைப் பதிவு செய்கிறது. 30 மீட்டருக்கும் அதிகமான உயர அலைகளால் உருவான சுனாமி, இந்தோனேசியா, இந்தியா, மலேசியா, மியன்மார், இலங்கை, தாய்லாந்து மற்றும் ஏனைய பன்னிரெண்டு நாடுகளில் பரவலான பேரழிவை ஏற்படுத்தியதுடன் இதன் விளைவாக 310,000 இற்கும் மேற்பட்ட உயிர்கள் இழக்கப்பட்டன.

இந்த ஆவணக் காப்பகங்கள், நிகழ்வு, பேரிடர் மீட்பு நடவடிக்கைகள், குறிப்பாக மறுவாழ்வு மற்றும் விசேடமாக மறுசீரமைப்பு மற்றும் மீள் நிருமாணம் பற்றிய செயல்முறைகள் ஆகியவற்றை ஆவணப்படுத்தும் பல ஊடகங்களில் பதிவுகளைக் கொண்டுள்ளன. இந்தோனேசியா, இந்தியா, மலேசியா, இலங்கை மற்றும் தாய்லாந்து உள்ளிட்ட பல பாதிக்கப்பட்ட நாடுகளில் பாதுகாக்கப்பட்டுள்ள இந்தத் தொகுப்பு அண்ணளவாக 9,311 நேரியல் மீட்டர் ஆவணக்காப்பகப் பதிவுகள், 500 புகைப்படங்கள், 196 ஒலிநாடாக்கள், 1,230 மின்னணு இறுவட்டுகள் / டிவிடிகள் மற்றும் காந்த வீடியோ பதிவுகள் ஆகியவற்றை உள்ளடக்கியுள்ளன. உலக சர்வதேச சுனாமி பதிவேட்டில் பொறிக்க இந்தோனேசியா மற்றும் இலங்கையால் கூட்டாகப் பெயரிடப்பட்ட இந்து சமுத்திர சுனாமி ஆவணக் காப்பகம், பேரழிவின் அளவு மற்றும் பாதிக்கப்பட்ட சமூகங்களின் கூட்டு நடவடிக்கைகளுக்கான நீடித்த சான்றுகளை வழங்குகிறது. அவற்றின் பாதுகாப்பு, எதிர்கால சந்ததியினருக்கு உலகளாவிய முக்கியத்துவம் வாய்ந்த உண்மையான பதிவுகளைப் பாதுகாப்பதன் மூலம் உலகின் நினைவகத் திட்டத்தின் நோக்கங்களுக்கு ஆதரவளிக்கிறது.