திரு. நாலக கலுவெவ அவர்கள் இலங்கையில் கல்வி, உயர் கல்வி மற்றும் தொழிற் கல்வி அமைச்சின் செயலாளராவார். அவர் இலங்கை நிர்வாக சேவையில் 2000 ஆம் ஆண்டு இணைந்ததோடு, பொது நிர்வாகத்தில் இரு தசாப்தங்களுக்கும் அதிகமான அனுபங்களைக் கொண்டுள்ளார். அவரது சேவையின் போது, பாதுகாப்பு அமைச்சின் உதவிச் செயலாளர், சுயாதீன தொலைக்காட்சி வலையமைப்பு மற்றும் தேசிய லொத்தர் சபையின் பொது முகாமையாளர், ரக்னா லங்கா பிரைவட் லிமிடட்டின் தலைவர், சனாதிபதியின் மேலதிக செயலாளர், அரசாங்க தகவல் திணைக்களத்தின் பணிப்பாளர் நாயகம், மேலதிக தேர்தல் ஆணையாளர் மற்றும் இலங்கை அபிவிருத்தி நிர்வாக நிறுவகத்தின் பணிப்பாளர் நாயகம் உள்ளிட்ட பல பதவிகளை வகித்துள்ளார்.

அவர் பேராதனைப்; பல்கலைக்கழகத்திலிருந்து விஞ்ஞானமாணிப் பட்டத்தையும் கொழும்புப் பல்கலைக்கழகத்திலிருந்து வணிக நிர்வாகத்தில் முதுநிலைப் பட்டத்தையும் கன்பரா பல்கலைக்கழகத்திலிருந்து முதுநிலைப் பட்டத்தையும் பெற்றுள்ளார். தற்போது அவர் கொழும்புப் பல்கலைக்கழகத்தில் வணிக நிர்வாகத்தில் கலாநிதிப் பட்டக் கற்கைநெறியைத் தொடர்கின்றார்.