இலங்கையின் பாணந்துறையில் உள்ள ரன்கோட் விகாரைப் புத்தர் கோவிலில் பாதுகாக்கப்பட்டுள்ள நான்கு ஆவணக்காப்பக மரபுரிமைப் பொருட்கள்,  19 ஆம் நூற்றாண்டின் நடுப்பகுதியில் பௌத்த மற்றும் கிறிஸ்தவ சமூகங்களுக்கிடையே குறிப்பிடத்தக்க மதப் பதற்றம் நிலவிய காலப்பகுதியான 1873 ஆம் ஆண்டில் உருவாக்கப்பட்டன. இந்த ஆவணங்கள் உலகளாவிய முக்கியத்துவம் வாய்ந்த சிறந்த வரலாற்று, கலாசார, ஆன்மீக மற்றும் அறிவுசார் மதிப்பைக் கொண்டுள்ளன. அவை கோட்பாட்டு பிரச்சினைகள் குறித்து திறந்த பொது உரையாடலுக்கு அழைப்பு விடுக்கும் முன்னணி பௌத்த மற்றும் கிறிஸ்தவ பிரமுகர்களுக்கு இடையேயான எழுத்துக் கடிதப் பரிமாற்றங்களையும், காகிதத்தில் மையால் எழுதப்பட்ட 27½ பக்கங்கள் நீளமுள்ள உரையாடலின் முழுமையாக கையால் எழுதப்பட்ட எழுத்தாக்கத்தையும் கொண்டுள்ளன. 

இந்த வரலாற்றுச் சிறப்புமிக்க உரையாடல், இரு மத சமூகங்களும் நம்பிக்கைகளைத் தெளிவுபடுத்தவும், தவறான புரிதல்களை நீக்கவும், மரியாதைமிக்க அறிவுசார் பரிமாற்றத்தில் ஈடுபடவும் உதவியது, அதன் பின்னர் குறைந்தது மூன்று தசாப்தங்களுக்கு நல்லிணக்கம் மற்றும் பரஸ்பர மரியாதைக்கு வழிவகுத்தது. பின்னர் ஐரோப்பாவிலும் அமெரிக்காவிலும் பரப்பப்பட்ட இந்த உரையாடலின் ஆங்கில மொழிபெயர்ப்புகள், மத அறிஞர்கள் மற்றும் ஆர்வலர்களிடம் கணிசமாக செல்வாக்குச் செலுத்தின என்பதோடு, பௌத்தத்தை தத்துவ ரீதியாக மேம்பட்ட மதமாக அங்கீகரிப்பதற்கும் பங்களித்தன.