மிட்சுபிஷி ஆசிய குழந்தைகளின் இனிக்கி ஃபெஸ்டா என்பது ஆசியா முழுவதும் உள்ள குழந்தைகள் “இனிக்கி” – வரைபடங்கள் மற்றும் சிறு குறிப்புக்களை இணைக்கும் விளக்கப்பட நாட்குறிப்புகள் மூலம் தங்கள் வாழ்க்கையையும் கலாசாரங்களையும் பகிர்ந்துகொள்ள அழைக்கின்ற ஒரு  நீண்டகால கலை மற்றும் எழுத்தறிவு முயற்சியாகும். சர்வதேச எழுத்தறிவு இலக்குகளை ஆதரிப்பதற்காக இந்தத்  திட்டம் முதன்முதலில் 1990 ஆம் ஆண்டில் தொடங்கப்பட்டது, அதன் பின்னர், கண்டம் முழுவதும் 24 நாடுகள் மற்றும் பிராந்தியங்களின் பங்கேற்பை உள்ளடக்கியதாக விரிவடைந்தது. 6 முதல் 12 வயது வரையிலான குழந்தைகளை இலக்காகக்கொண்ட இந்தப் போட்டி, “ஆசியாவில் உள்ள எவருடனும் நான் பகிர்ந்துகொள்ள விரும்பும் எனது வாழ்க்கை” போன்ற ஒன்றிணைந்த கருப்பொருளின் கீழ், பங்கேற்பாளர்கள் தங்கள் அன்றாட அனுபவங்கள், பாரம்பரியங்கள், குடும்ப வாழ்க்கை, பாடசாலை செயற்பாடுகள், இயற்கை மற்றும் உள்ளூர் விழாக்கள் என்பவற்​றை ஆக்கப்பூர்வமாக சித்தரிக்க ஊக்குவிக்கிறது. தேர்ந்தெடுக்கப்பட்ட படைப்புகள் தேசிய அளவிலிருந்து சர்வதேச திரையிடலுக்கு முன்னேறுகின்றன, ஜப்பானில் ​இரு ஆண்டுகளுக்கு ஒரு முறை நடைபெறும் சர்வதேச விருது வழங்கும் விழாவில் சிறந்த உள்ளீடுகளுக்கு விருதுகள் வழங்கப்படுகின்றன.

போட்டிக்கு அப்பால், விருது பெற்ற மற்றும் பிற குறிப்பிடத்தக்க இனிக்கி கலைப்படைப்புகள் ஜப்பான் மற்றும் வெளிநாடுகளில் காட்சிப்படுத்தப்படுகின்றன, இது இளைஞர்களிடையே கலாசார புரிதல், பரிவு மற்றும் மரியாதையை ஊக்குவிக்க உதவுகிறது. இந்த விழா, ஆசியா முழுவதும் உள்ள குழந்தைகளிடையே பன்முகத்தன்மை மற்றும் தொடர்பைப் போற்றுவதை வளர்க்கும் கலை வெளிப்பாடு மற்றும் கலாசார பரிமாற்றத்தின் தனித்துவமான கலவையை பிரதிபலிக்கிறது.