மனிதன் மற்றும் உயிர்க்கோள (MAB) நிகழ்ச்சித்திட்டம் என்பது மக்களுக்கும் அவர்களின் சுற்றுச்சூழலுக்கும் இடையிலான உறவை மேம்படுத்துவதற்கான அறிவியல் அடிப்படையை நிறுவுவதை நோக்கமாகக் கொண்ட அரசாங்கங்களுக்கிடையேயான ஓர் அறிவியல் நிகழ்ச்சித்திட்டமாகும். இது மனித வாழ்வாதாரங்களை மேம்படுத்துவதற்கும் இயற்கை மற்றும் முகாமை செய்யப்பட்ட சுற்றுச்சூழல் முறைமைகளைப் பாதுகாப்பதற்கும் இயற்கை மற்றும் சமூக அறிவியலை ஒருங்கிணைக்கின்றது, இவ்வாறு சமூக மற்றும் கலாசார ரீதியாக பொருத்தமான மற்றும் சுற்றுச்சூழல் ரீதியாக நிலைபேறானதுமான பொருளாதார அபிவிருத்திக்கு புதுமையான அணுகுமுறைகளை ஊக்குவிக்கின்றது.

உயிர்க்கோள காப்பகங்கள் ‘நிலைபேறான அபிவிருத்திக்கான கற்றல் இடங்கள்’ ஆகும். அவை சமூக மற்றும் சுற்றுச்சூழல் முறைமைகளுக்கு இடையிலான மாற்றங்கள் மற்றும் தொடர்புகளைப் புரிந்துகொள்வதற்கும் முகாமைத்துவம்  செய்வதற்கும் துறைகளுக்கிடையேயான அணுகுமுறைகளைப் பரிசோதிப்பதற்கான தளங்களாகும், இதில் மோதல் தடுப்பு மற்றும் உயிர்ப் பல்வகைமை முகாமைத்துவம் ஆகியவை உள்ளடங்கும். உயிர்க்கோள காப்பகங்கள் நிலம்சார், கடல்சார் மற்றும் கடலோர சுற்றுச்சூழல் முறைமைகளை முறையாக உள்ளடக்கியுள்ளது.